#सातबारा - ५

मराठी माणसासाठी सोशल मीडियामधला एक अभिनव उपक्रम..

प्रश्न - १५

गुंठा , आर , स्क्वेअर फूट , स्क्वेअर मी,यातील फरक सांगा.

उत्तर -

१ गुंठा=१०१.१७ स्क्वेअर मी
१ आर=१०० स्क्वेअर मी
१ गुंठा=३३फुट×३३फुट=१०८९ स्क्वे फुट
१ एकर=४० गुंठे
१ हेक्टर=१०० आर

प्रश्न - १६

वर्ग क्र. १ ची असलेली जमीन वर्ग क्र. २ कधी होते?

उत्तर - सर्व जमिनीवर सार्वभौम सत्ता शासनाची. आपण फक्त भोगवटादार,मालक नाही.

जमिनीचे ढोबळ प्रकार तीन:

- भोगवटादार वर्ग एक : अटी शर्तीशिवाय दिलेली जमिन

- भोगवटादार वर्ग दोन : म्हणजे अटी शर्तीवर दिलेली जमिन

- सरकारी पट्टेदार : शासकीय जमिन लीजने ठराविक कालावधी साठी दिली  जाते

वर्ग एक जमिन शासनाने भुसंपादन केल्यावरच वर्ग दोन बनेल.

तरीदेखील प्रश्न अजुन सविस्तर विचारल्यास अधिक समाधान कारक उत्तर देता येईल.

प्रश्न - १७

माझ्याकडे एन .ए. प्लॉट असून सातबारावर १२४.७० चौ .मी. क्षेत्र आहे व सिटी सर्वेमध्ये १२७ चौ. मी. आहे तर खरे क्षेत्र कोणते ?

उत्तर - बिनशेती झाल्याने व ७/१२ व मिळकतपत्रिका दोन्ही चालू असल्याने, कालांतराने तेथिल ७/१२ बंद होईल. त्यामुळे सिटी सर्वे चे क्षेत्र अंतिम राहील

प्रश्न - १८

वडिलांच्या भावांनी जमीन नावावर केली नाही वडील वारले तर माझ्या नावावर जमीन कशी होईल.

उत्तर - चुलत्यांची नावे वारसाने सात बारावर आली असतील आणि वडील व  त्यांचे पश्चात आपण सर्व मुलांची वारस नोंद होणे बाकी असेल तर ज्या फेरफाराने चुलत्यांची नावे सातबाराला नोंदवण्यात आली त्या फेरफारवर उपविभागीय अधिकारी यांचेकडे अपील दाखल करावे लागेल. सातबारावर जर अद्याप कोणाचीही वारस नंतर झाली नसेल तर आजोबा वडील यांचा मृत्यू दाखला वारस प्रतिज्ञापत्र यासह तलाठी यांच्याकडे अर्ज दाखल करावा व वारस नोंद करून घ्यावी .

प्रश्न - १९

कृषिक जमिनीवर शेत गड्यासाठी तसेच मालकाला राहता यावं यासाठी बांधकाम करायचं असेल(शेतघर) तर त्यासाठी कुणाची परवानगी घ्यावी?
प्रक्रिया काय आहे?

उत्तर -

याबाबतचा शासन निर्णय आहे. त्यानुसार शेतघरासाठी अकृषक  परवानगीची आवश्यकता नाही. परंतु बांधकाम परवानगीसाठी नियोजन प्राधिकारी यांच्याकडे अर्ज करावा लागेल.

सातबाराची प्रत्येक पोस्ट पुढील ब्लॉगवर वाचू शकता -
http://saatbaara.blogspot.in
__________________________

ज्ञानभाषामराठीतर्फे वेगवेगळ्या क्षेत्रातली अशी उपयुक्त माहिती, मार्गदर्शन तुम्हाला मराठीतूनच केले जाईल. असे विविध अभिनव उपक्रम 'सर्वत्रमराठी' या भव्य उपक्रमाचा भाग आहेत. यातून लोकभाषा म्हणून सर्वच क्षेत्रात मराठी अधिकाधिक सक्षम करणे आणि इतर भाषांवरील परावलंबित्त्व कमी करणे त्याचप्रमाणे वाट चुकलेल्या नवपालकांना मराठी शाळांकडे वळवणे हा उद्देश आहे.

#लोकभाषामराठी
#मुलांचीशाळामराठी
#ज्ञानभाषामराठीप्रतिष्ठान

#सातबारा - ४

मराठी माणसासाठी सोशल मीडियामधला एक अभिनव उपक्रम..

प्रश्न - ९

माझ्या वडिलांच्या मृत्यूनंतर नवीन सातबाऱ्यामध्ये आई, बहिण आणि भावाचे नाव लावले गेले परंतु माझे नाव लावले गेले नाही. माझे नाव सातबाऱ्यावर लावायचे असल्यास काय प्रक्रिया आहे? 

उत्तर - वारस म्हणुन तुमचे नाव वारसा ठराव (गाव नमुना ६ क)व फेरफार ला इतर वारसांसोबत आहे का तपासा.असल्यास ,७/१२ वर अंमल देण्यासाठी तहसिलदार यांच्या कडे अर्ज द्या.
 फेरफार मधे नाव नसलेस सदर फेरफारवर उपविभागीय अधिकारी यांच्याकडे अपिल करा.

प्रश्न - १०

सातबारा ऑनलाईन वेबसाईटवर पाहत असताना तो दाखविल्या जात नाही.

उत्तर - अद्याप त्यातील दुरुस्ती झाली नसेल.तलाठी यांच्या कडे प्रख्यापन प्रत मागणी करा व दुरूस्ती असल्यास निदर्शनास आणा.

प्रश्न ११ -

माझ्या आईच्या आईची म्हणजे माझ्या आजीची तीच्या माहेरची जमीन आहे त्यामध्ये माझा आईचा हिस्सा मिळेल का? आणि त्या सातबारावरती माझ्या आईचे नाव नोंदणी करण्यास काय करावे ?

उत्तर - आजीचे लग्न १९५६ नंतरचे असल्यास हिस्सा मिळु शकतो. तत्पुर्वी मुलींना वडिलांच्या मिळकतीत वाटा नव्हता. कागदपत्रे तपासून निश्चित उत्तर देता येईल.

प्रश्न १२ -

माझ्या मित्राच्या वडिलांनी दुसरं लग्न केल आणि सर्व जमीन आणि स्थावर मालमत्ता त्यांनी दुसरं लग्न केलेल्या बाईंच्या नावाने केलेलं आहे आणि पहिल्या पत्नीसोबत कायदेशीर घटस्फोट घेतलेला नाही तर नझुल ऑफिस मध्ये फेरफार करून आणि सातबारामध्ये फेरफार करून त्याच नाव टाकता येत काय ?

तर या संदर्भात कृपया मार्गदर्शन करावे....

उत्तर - पहिलं लग्न झाल्यानंतर पत्नी मयत होण्यापूर्वी दुसरे लग्न केल्यास दुसरे लग्न अवैध ठरते परंतु दुसऱ्या पत्नीच्या मुलांना वडिलोपार्जित जमिनीत हक्क असतो .पहिल्या पत्नीपासून झालेल्या मुलांना वडिलोपार्जित जमिनीत वारसाहक्काने आपले नाव सातबारा व प्रॉपर्टी कार्डवर हिंदू वारसा कायद्यानुसार लावता येईल .यासाठी प्रतिज्ञापत्र मृत्यू दाखला इत्यादी पुराव्यासह तहसीलदार कार्यालय किंवा तलाठी कार्यालय तसेच भूमी अभिलेख विभागाकडे अर्ज करावा .

सातबाराची प्रत्येक पोस्ट पुढील ब्लॉगवर वाचू शकता -
http://saatbaara.blogspot.in
__________________________

ज्ञानभाषामराठीतर्फे वेगवेगळ्या क्षेत्रातली अशी उपयुक्त माहिती, मार्गदर्शन तुम्हाला मराठीतूनच केले जाईल. असे विविध अभिनव उपक्रम 'सर्वत्रमराठी' या भव्य उपक्रमाचा भाग आहेत. यातून लोकभाषा म्हणून सर्वच क्षेत्रात मराठी अधिकाधिक सक्षम करणे आणि इतर भाषांवरील परावलंबित्त्व कमी करणे त्याचप्रमाणे वाट चुकलेल्या नवपालकांना मराठी शाळांकडे वळवणे हा उद्देश आहे.

#लोकभाषामराठी
#मुलांचीशाळामराठी
#ज्ञानभाषामराठीप्रतिष्ठान

#सातबारा - ३

मराठी माणसासाठी सोशल मीडियामधला एक अभिनव उपक्रम..

प्रश्न ५

बोजा म्हणजे  काय आहे?

उत्तर - बोजा म्हणजे कर्जाची अथवा शासकीय थकबाकीची ७/१२ उताऱ्यावर इतर हक्कात घेतलेली नोंद होय.

प्रश्न ६

७\१२ उताऱ्यावरील उजव्या बाजूला जो बोजाचा रकाना असतो. त्यात पोकळ बोजा किंवा भरलेल्या कर्जाच्या नोंदीला () कंस केलाला असतो. अशा नोंदी उताऱ्यावरून कशा कमी करता येतात, किंवा कधी कमी होतात.

उत्तर -

कंस केला म्हणजे ती नोंद कमी केली असा अर्थ होतो. निश्चिंत रहावे..

प्रश्न ७

मला शेती घ्यायची आहे, कागदपत्रांविषयी माहिती हवी आहे.

उत्तर -

७/१२, फेरफार, ८अ, नकाशा इत्यादी कागदपत्रे अभ्यासावी. शेतीजमीन खरेदीसाठी शेतकरी असणे आवश्यक असते.

प्रश्न ८

मी २०१८ मध्ये पुनर्वसन मध्ये मिळालेला मोकळा येणे प्लॉट,विकत घेतला आहे, काही अडचण असू शकतो का?

उत्तर -

पुनर्वसनात मिळालेली जमीन १० वर्षे विकता येत नाही. या अटीचा भंग झाला नाही ना? हे तपासावे.

__________________________

ज्ञानभाषामराठीतर्फे वेगवेगळ्या क्षेत्रातली अशी उपयुक्त माहिती, मार्गदर्शन तुम्हाला मराठीतूनच केले जाईल. असे विविध अभिनव उपक्रम 'सर्वत्रमराठी' या भव्य उपक्रमाचा भाग आहेत. यातून लोकभाषा म्हणून सर्वच क्षेत्रात मराठी अधिकाधिक सक्षम करणे आणि इतर भाषांवरील परावलंबित्त्व कमी करणे त्याचप्रमाणे वाट चुकलेल्या नवपालकांना मराठी शाळांकडे वळवणे हा उद्देश आहे.

#लोकभाषामराठी
#मुलांचीशाळामराठी
#ज्ञानभाषामराठीप्रतिष्ठान

#सातबारा - २

मराठी माणसासाठी सोशल मीडियामधला एक अभिनव उपक्रम..

प्रश्न - ३

माझ्या पत्नीच्या नावावर लागूनच असलेले दोन प्लॉट आहेत, त्यांचे एकत्रीकरण करून एकच सातबारा करता येईल काय? (गोंदिया - तिरोडा)

उत्तर - होय, उपअधिक्षक भुमीअभिलेख यांचेकडे ७/१२ एकत्रीकरण बाबत अर्ज करावा. त्यांचेकडील कमीजास्त पत्रकानुसार पोटहिस्से न पाडता तलाठी यांनी स्वतंत्र ७/१२ केले असल्यास, तहसिलदार यांचेकडे अर्ज करावा.

प्रश्न - ४

फेरफार नोंदी मिळवण्यासाठी काय करावे?

उत्तर - ७/१२ मध्ये कायदेशीर हक्काचे अनुषंगाने बदल करण्यासाठी फेरफार नोंद घेतली जाते.यासाठी आवश्यक पुरावे उदा.खरेदी दस्त, वारस प्रमाणपत्र, मृत्यु पत्र , न्यायालय आदेश ई. कागदपत्र जोडुन तलाठी यांचेकडे अर्ज करावा.

सातबाराची प्रत्येक पोस्ट पुढील ब्लॉगवर वाचू शकता -

__________________________

ज्ञानभाषामराठीतर्फे वेगवेगळ्या क्षेत्रातली अशी उपयुक्त माहिती, मार्गदर्शन तुम्हाला मराठीतूनच केले जाईल. असे विविध अभिनव उपक्रम 'सर्वत्रमराठी' या भव्य उपक्रमाचा भाग आहेत. यातून लोकभाषा म्हणून सर्वच क्षेत्रात मराठी अधिकाधिक सक्षम करणे आणि इतर भाषांवरील परावलंबित्त्व कमी करणे त्याचप्रमाणे वाट चुकलेल्या नवपालकांना मराठी शाळांकडे वळवणे हा उद्देश आहे.

#लोकभाषामराठी
#मुलांचीशाळामराठी
#ज्ञानभाषामराठीप्रतिष्ठान

#सातबारा - १

#सातबारा

मराठी माणसासाठी सोशल मीडियामधला एक अभिनव उपक्रम..

प्रश्न - १

उस्मानाबाद जिल्ह्यातील माझ्या मूळगावी आमची १८ एकर शेतजमीन आहे. या शेतजमिनीचे पुनर्मुल्यांकन करून जमिनीची हद्द ठरवायची आहे. आमचे शेजारी आडमुठे आहेत. मला सरकारची पुनर्मूल्यांकनाची प्रक्रिया जाणून घ्यायची आहे.

उत्तर - शेतजमिनीचे पुनर्मुल्यांकन आणि हद्द ठरवणे असे तुमचे २ प्रश्न आहेत. मोजणी ३ प्रकारची असते... साधी, तातडीची, अतितातडीची(कालावधी ६महिने ते १महिना .. क्रमानुसार). हद्दीवरील शेतकरी अडेल असला तरी मोजणी होते, त्याला नोटीस जाते. मुल्यांकन कामी 'दुय्यम निबंधक' यांच्या कार्यालयातुन शीघ्रसिद्धगणकानुसार (ready reckoner)दर निश्चित करुन घेता येईल. 'दुय्यम निबंधक' यांचेकडील मुल्यांकन मान्य नसल्यास सह जिल्हा निबंधक, मुद्रांक यांचेकडे दाद मागता येते. गटाच्या हद्दीखुणा मोजणीद्वारे 'उपअधिक्षक भुमीअभिलेख' यांच्या कडुन निश्चित करून घेता येतील.

प्रश्न - २

आमच्या येणेजाणे वही वाट दिली जात नाही १९६६ पासून आम्ही ती वाट वापरतोय आता नवीन जागा मालक ती वाट बदलून चुकीची वहिवाट करू पाहतोय,काय करावें

उत्तर - वाट अडविल्यापासुन ६ महीन्याचे आत तहसीलदार कार्यालयात अर्ज करावा. शेतमाल वाहतूकीसाठी रस्ता देण्यासाठी मामलतदार न्यायालय अधिनियम १९०५ कलम ५ नुसार तरतुदीचा वापर करून तहसीलदार रस्ता खुला करून देऊ शकतात.
__________________________

ज्ञानभाषामराठीतर्फे वेगवेगळ्या क्षेत्रातली अशी उपयुक्त माहिती, मार्गदर्शन तुम्हाला मराठीतूनच केले जाईल. असे विविध अभिनव उपक्रम सर्वत्रमराठी या भव्य उपक्रमाचा भाग आहेत. यातून लोकभाषा म्हणून सर्वच क्षेत्रात मराठी अधिकाधिक सक्षम करणे आणि इतर भाषांवरील परावलंबित्त्व कमी करणे त्याचप्रमाणे वाट चुकलेल्या नवपालकांना मराठी शाळांकडे वळवणे हा उद्देश आहे.

#लोकभाषामराठी
#मुलांचीशाळामराठी
#ज्ञानभाषामराठीप्रतिष्ठान